Pese a que os escenarios onde se desenvolveu con especial intensidade a contenda foron relativamente reducidos se se comparan cos da II Guerra Mundial, o número de baixas mortais que causou foi moi elevado: máis de catro millóns entre as potencias centrais e uns cinco millóns entre as aliadas; entre esas baixas houbo un importante número de vítimas civís, moi superior ao de anteriores guerras. A iso engadiuse o elevado saldo de feridos e mutilados.